Слабо язык угадать?

[spamsink]

Текст перевести не прошу, и так понятно

Алисиа ен ла паис де мервелиас

Алисиа коменса девени мулте ноиада, сентанте а ладо де се соре сур ла колинета, кон но коса пер окупа се: а ун о ду весес, ел иа регардета ен ла либро куал се соре леже, ма ло контени но питурес о конверсас, “е ке ес ла валуа де ун либро,” Алисиа пенса, “син питурес о конверсас?”

Донке ел ес консидеранте, ен се менте пропре (тан бон комо посибле, кар ел сенти мулте дормоса е ступида пар кауса де ла диа калда), еске ла пласер де креа ун кадена де маргаритас та компенса пер ла лабора де лева се е колие ла маргаритас, куандо субита ун Конео Бланка кон оиос рос паса коренте а се ладо.

Но парте де еста ес вера мулте нотабле; е Алисиа но трова ке ес вера мулте естракомун куандо ел оиа ла Конео дисе а се: “Аи! аи! ме ва ес тро тарда!” (куандо Алисиа контемпла еста а пос, паре а ел ке ел иа дебе мервелиа а ло, ма аора, а ла моменто де авени, тота паре интера натурал); ма, куандо ла Конео пренде ан ун ороложета де се пош де жакета, е регарда ло, е алора континуа фрета, Алисиа салта сур се педес, кар ла пенса вола тра се менте ке ел иа виде жа нунка ун конео кон о ун пош де жакета, о ун ороложета прендабле де ло, е кон куриосиа арденте, ел коре пос ло ен траверса де ла кампо, е арива а ла бон темпо пер виде ло десапаре су ла сепе ен ун тунел гранде де конео.

Ен ла моменто сегуенте, Алисиа ентра пос ло, но консидеранте ан пико комо посибле ел ва сорти денова.